Dharti se sawan ki bundein......!!!!!!!!

Wednesday, October 7, 2015 By Anonymous

Dharti se sawan ki bundein milne jab bhi aati hain,

Uski shikayat karti hain kuch apna dard sunati hain,

Kuch rishte naye banati ehsaas naya de jati hain,

Har ek kali ko phool baag ko gulshan kar jati hain,

Chahat nayi si hoti hai armaan naya de jati hain,

Kuch khushi ke pal kuch muskan nayi de jati hain.

Dharti se sawan ki bundein milne jab bhi aati hain,

Uski shikayat karti hain kuch apna dard sunati hain,

Sukhe kheton se jab saundhi si khushboo aati hain,

Suni aankho mein phir se ek khwab naya de jati hain,

Kahin pyar naya hota hain kahin judai de jaati hain,

Kahin sawan ke jhoole kahin birha ke geet sunati hai.

Dharti se sawan ki bundein milne jab bhi aati hain,

Uski shikayat karti hain kuch apna dard sunati hain....!!!!!

Share this post

Shayari Collection 4u